Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
ШҮҮХИЙН ЕРӨНХИЙ ЗӨВЛӨЛИЙН ТОГТООЛ
2020 оны 04 сарын 30 өдөр Дугаар 54 Улаанбаатар хот
Шүүгчийн сонгон шалгаруулалтын
шалгалтын арга, хэлбэр, үнэлэх аргачлалд
нэмэлт, өөрчлөлт оруулах тухай
Шүүгчийн эрх зүйн байдлын тухай хуулийн 8 дугаар зүйлийн 8.1,4, 15 дугаар зүйлийн 15.2 дахь хэсэг, Монгол Улсын Ерөнхийлөгчийн 2020 оны 19 дүгээр зарлигаар батлагдсан "Шүүгчийг сонгон шалгаруулах журам"-ын 1.5 дахь заалтыг тус тус үндэслэн ТОГТООХ нь:
1.Шүүхийн ерөнхий зөвлөлийн 2020 оны 03 дугаар сарын 23-ны өдрийн 31 дүгээр тогтоолоор батлагдсан "Шүүгчийн сонгон шалгаруулалтын шалгалтын арга, хэлбэр, үнэлэх аргачлал батлах тухай" аргачлалын 5.2.2-т заасан "салбар эрх зүйн хууль хэрэглэх мэдлэг, ур чадвар" гэснийг "салбар эрх зүйн хууль хэрэглэх, тайлбарлах мэдлэг, ур чадвар" гэж өөрчилсүгэй.
2.Аргачлалын 5.2.3.2-т заасан "5 хүртэл оноогоор" гэснийг хассугай.
З.Аргачлалын 5.2.3.1 дэх заалтыг хүчингүй болсонд тооцсугай.
4.Тогтоолыг Шүүхийн ерөнхий зөвлөлийн цахим хуудсанд байршуулж, нийтэд мэдээлэхийг Шүүхийн мэргэшлийн хорооны ажлын алба /Б.Билгүүн/-нд үүрэг болгосугай.
ДАРГА Э.БАТБАЯР
PDF файл хавсаргаагүй байна .